Дагалдагч Бэлтгэх Сургууль бол зорилго, мөрөөдлөө Бурханы таньд зориулсан төлөвлөгөөтэй холбох холбоос юм. Энэ бол пастор, ахлагч, илгээлтийн эзэн бэлддэг сургууль биш. Харин энэ бол өгөгдсөн хараа дуудлага, авъяас чадвараа ашиглан Агуу Захирамжийн дор дэлхийд нөлөөлөх эхний алхам юм.

Хосолсон хэл дээрхи, олон улсын Дагалдагч Бэлтгэх Сургууль нь Монголын Эзэнт гүрний эзэлж авсан газар нутаг түүнээс цааш дэлхийд, үндэстэн бүрт хүрэхэд дэлхийн хэлээр ярьдаг, дэлхийн хэмжээнд Хаант Улсын цар хүрээнд сэтгэдэг Христийн жинхэнэ дагалдагч бэлтгэх нь бидний зорилго юм.

Бурхантай харилцах хувьчилсан харилцааг дэмжиж, хамтын амьдрал дотор суралцаж, илгээлтийн аянаар гуравдагч орнуудад хүрэх таван сарын энэхүү сургууль нь таны амьдральд эрс шинэчлэлийг авчирах болно. Дэлхийн өнцөг булан бүрээс цугласан олон улсын туршлагатай стаффууд магтаал, зуучлан залбирал, сайн мэдээ төвтэйгөөр, Бурханы дуу хоолойгоор чиглүүлэгдэн Монголд өмнө нь байгаагүй шинэлэг DTS хийхээр бэлтгэж байна.

Лекцийн 12 долоо хоног

Бид гурван сарын лекцийг дэлхийд алдартай лекторуудыг болон Монголдоо танигдсан Эзэний үгэн дээр суурилсан пастор, илгээлтийн эздийг урин оролцуулж байна. Мөн сар бүр Монголд байгаа бусад гурван бэйс дээр нэг долоо хоногийн хичээлийг явуулахаар бүх боломжийг эрэлхийлж байна.  Сар бүрийн хичээлийг Бурханыг таньж мэдэх, өөрийгөө олж нээх, дэлхийд нөлөөлөх гэсэн сэдэвчилсэн уриан дор явуулах болно.

• Бурханыг таньж мэд

Бурханы Мөн Чанар ба Зан Чанар

Бурханы Дуу Хоолойг Сонсох нь

Эзэнээс Эмээхүй

Бурхан Аавын Хайр

• Өөрийгөө олж нээ

Христ доторхи хувь хүн / Хэргэм зэрэг/

Тэгшлүүр /Дотоод эдгэрлийн хичээл/

Дуудлага болон Сүнслэг Бэлэг Авъяас

Харилцаа

• Дэлхийд нөлөөл

Библийн Дагуу Ертөнцийг Үзэх Үзэл

Итгэл болон Санхүү

Сүнслэг тулаан

Илгээлт болон 10/40 цонх

Илгээлтийн 8 долоо хоногийн дадлага

Илгээлт бол Дагалдагч Бэлтгэх Сургуулийг адал явдлаар дүүрэн болгох, сурсан мэдсэнээ бусдад хуваалцаж, дэлхийн өнцөг булан бүрт хүрч үйлчлэх боломж юм. Бурханыг таньж, Бурханыг таниулах уриатай Үүрэгтэй Залуус байгууллагын нэгдүгээр шатны сургалтын энэ хэсэг бол Бурханыг таньж мэдсэн залуус Түүнийг бусдад таниулах сайн мэдээ төвтэй, адал явдлын хэлхээс юм. Бид өмнө нь Монгол илгээлтийн баг хүрч очоогүй, гуравдагч буюу хоёр хөршөөс цааш явж авралын сайн мэдээг хүргэхээр төлөвлөн залбирч байна.

Энэ бол Монгол дахь анхны англи, монгол хосолсон хэл дээрхи олон улсын Дагалдагч Бэлтгэх Сургууль юм. Таныг бид энэхүү сургуулийн нэг хэсэг болоосой гэж хүсэж байна. Та бэлэн үү? БИД БЭЛЭН.