Бид Есүс Христийн Агуу Захирамж болох “Бүх үндэстнийг дагалдагч болгогтун” гэсэн алсын харааг биелүүлэхийн тулд Библи нь Бурханы хүмүүсийн амь бөгөөд туйлын хэм хэмжүүр, дагалдагчдыг хөдөлгөх хүч гэдэгт итгэдэг. Тиймээс бид Ариун Сүнсний онгодоор бичигдсэн Бурханы үгэн дэх үнэнийг эрэн судалж, сахин биелүүлж, зааж сургах үйлсэд хүчин зүтгэж, адилхан алсын хараатай хүмүүсийг босгон байгуулахад өөрсдийгөө зориулна.

Принстон Теологийн Академийн доктор асан Еарл Мүригийн гэр бүл доктор Лорен Коннинхэмийн урилгаар SBS-ийн бүхий л хичээлийн төлөвлөгөө ба Нэгтгэн Дүгнэх Аргаар Библийг судлах аргын үндэс суурийг тавьж бэлтгэснээр 1981 онд Хавайн Кона дах Улс Улс Үндэстний Их Сургуульд (University of Nation) анхны SBS-ийг явуулжээ.Түүнээс хойш тус сургууль дэлхийн 5 тивийн 30 гаруй газар явагдаж байгаа бөгөөд улам бүр өргөжин тэлсээр байна.

SBS буюу Библи судлалын сургууль нь YWAM-ын 2 дах шатны сургууль бөгөөд 9 сарын турш хамтын амьдрал дор Библийн 66 номыг  НЭГТГЭН ДҮГНЭХ АРГЫН дагуу судалдаг. Мөн дөрвөн жилийн турш теологийн сургуульд суралцаж, хугацаа алдах шаардлаггүйгээр түргэвчилсэн програмаар,  YWAM-ийн Улс Үндэстний Их Сургуулийн Библи Судлалын Сургуулиас олон жилийн турш цуглуулсан үнэт баримт материалуудыг судлан, Библийн академик түвшний мэдлэгтэй болох боломжийг энэ сургалт таньд олгох юм.

Улаанбаатар YWAM-ын Библи Судлалын Сургууль нь 2007 оны 3 сард явагдсан BCC-ээс гараагаа эхэлсэн бөгөөд YWAM-ийн үнэт зүйлс ба SBS-ийн Библи судлах аргачлалыг дагаж мөрддөг.

“Учир нь Езра Эзэний хуулийг сурч, түүнийг хэрэгжүүлэхэд, Израильд Түүний дүрэм, зарлигуудыг заахад зүрхээ зориулсан юм” (Езра 7:10)

Езра сургалт

Бид өөрсдийн нөхцөлд тааруулан 9 сарын Библи судлалын сургуулийг  Езра нэртэйгээр 2 жилийн хугацаанд Библийн 66 номыг семинараар хүргэж байна. Та эхнээс нь эхэлж чадаагүй ч, семенар бүрээр сертификат болон кредитээ цуглуулан бүрэн гэрчилгээ авах боломжтой.

2019-2021 оны   Улаанбаатар SBS нэгтгэн дүгнэх аргын дагуух Библи судлалын семинарын төлөвлөгөө